Copy CD & DVD to ISO File in Linux

Sometimes I require to copy entire CD or DVD to a file in my computer in ISO format. Usually to keep it for frequent access. It is what I do normally with tutorial discs get along with some products, discs of wedding videos that I need to return back soon. So, I can avoid keeping the disc in player, also it helps for copying that to another disc.

Here I am sharing the command that I use for copying contents from the optical discs to a file in my computer in ISO format. I required to remember it occasionally, but I forget it always. So, this a note for me too.

At the moment, I am an Ubuntu Linux user. Being a techie, good part of my interactions with the system is through command line interface. For this copying of discs also, I prefer to run command line instructions rather than using a GUI software.

Switched to Jekyll

I switched to Jekyll from Wordpress for this blog and my website. Why?

I was mainly seeking simplicity in blogging. When using Wordress, have to manage its running, updates, etc, and most of them were not necessary as my sites were not using much features of Wordpress other than publishing of posts.

Jekyll has several advantages. Below are some of them that are attractive for using it.

Smartphones and Privacy

I am so disappointed as most of the people are not aware about the privacy issues they face in their daily life, especially regarding the usage of technological solutions like smart-phones.

ഉബുണ്ടു 14.04 ട്രസ്റ്റി താഹ്ർ

ഉബുണ്ടു 14.04 ഇൻസ്റ്റാൾ ചെയ്തു. ഒരു പൂർണ്ണമായ വിശകലനത്തിന് മുതിരുന്നില്ല. ചില കാര്യങ്ങൾ മാത്രം കുറിക്കാൻ ശ്രമിക്കുന്നു. സ്ഥിരമായി ലിനക്സിലേക്ക് മാറിയപ്പോൾ തുടങ്ങിയതാണ്‌ ഉബുണ്ടു ഉപയോഗം. മറ്റുള്ള വിതരണങ്ങളിലേക്ക് മാറണമെന്നൊക്കെ ഇടക്ക് തോന്നാറുണ്ടെങ്കിലും ഉബുണ്ടു വിട്ടുപിടിക്കാൻ ഇതുവരെ കഴിഞ്ഞിട്ടില്ല. ഇടക്ക് കുറച്ച്കാലം ഡെബിയൻ 7 ഉപയോഗിച്ചു, അത്ര തൃപ്തിതോന്നിയില്ല. പ്രധാനമായും ചില ആപ്ലിക്കേഷനുകൾക്കുള്ള സപ്പോർട്ടിന്റെ അഭാവമാണ് കാരണം. ഇതിനു മുൻപ് 13.10 ആയിരുന്നു കമ്പ്യൂട്ടറിൽ. അതുമാറ്റി 14.04 ഫ്രഷ് ഇൻസ്റ്റാൾ ചെയ്തു. പതിവുപോലെ 10 മിനുട്ടിൽ താഴെ എടുത്തുള്ളൂ ഇൻസ്റ്റാളേഷൻ പൂർത്തിയാവാൻ. ഇൻസ്റ്റാളേഷൻ തൊട്ടുശേഷം തന്നെ അപ്ഡേറ്റുകളും ഉണ്ടായിരുന്നു! 'Additional Drivers' പ്രോഗ്രാം വഴി Nvidia GT 740M ന്റെ ഗ്രാഫിക്സ് കാർഡ് ഡ്രൈവറും ഇൻസ്റ്റാൾ ചെയ്യാൻ സാധിച്ചു. 13.10 ൽ ഇത് സാധിച്ചിരുന്നില്ല, അന്ന് ജെനറിക്ക് ഡ്രൈവർ വച്ച് അഡ്ജ്സ്റ്റ് ചെയ്യുകയായിരുന്നു.

വിക്കി അനുഭവം: വിക്കിപീഡിയ എന്ന സൈറ്റുണ്ട്

കോളേജിൽ പഠിക്കുന്ന സമയത്താണ് കമ്പ്യൂട്ടറിൽ തൊട്ടതും ഇന്റർനെറ്റ് ഉപയോഗിക്കാൻ തുടങ്ങിയതും. 2003-2006 കാലഘട്ടമായിരുന്നു അത്. അക്കാലത്ത് കോളേജിലെ ലാബിൽനിന്നും കഫേകളിൽ നിന്നുമായിരുന്നു ഇന്റർനെറ്റ് ഉപയോഗം. വീട്ടിൽ കമ്പ്യൂട്ടറുണ്ടായിരുന്നെങ്കിലും ഇന്റർനെറ്റ് കണക്ഷനുണ്ടായിരുന്നില്ല. ഇന്റർനെറ്റ് ഉപയോഗിക്കുന്ന ആരായാലും സ്വഭാവികമായി അറിയാനുള്ള കാര്യങ്ങൾക്കായി തിരയും. കാമ്പ്യൂട്ടറുകൾ കാണുന്നതിനു മുൻപേ യാഹൂ എന്ന പേര് എനിക്ക് പരിചിതമായിരുന്നു, അതുകൊണ്ട് തന്നെ യാഹൂവിലാണ് പരതിത്തുടങ്ങിയത്. ഇതിനിടക്ക് ഗൂഗിൾ എന്ന സെർച്ച് എഞ്ചിനും ഉണ്ടെന്ന് മനസ്സിലാക്കിയിരുന്നു. ചിലപ്പോൾ യാഹൂവിൽ പരതിയാൽ ഉദ്ദേശിച്ച ഫലം കിട്ടാതെ വന്നാൽ ഗൂഗിൾ പരീക്ഷിക്കും. അങ്ങനെയാണ് ഒരു കാര്യം മനസ്സിലായത്, ഗൂഗിളാണ് തിരയാൻ കൂടുതൽ നല്ലത്. യാഹുവിനേക്കാൾ നല്ല ഫലം ഗൂഗിൾ നൽകുന്നതുകൊണ്ടും, ഗൂഗിൾ യാഹുവിനേക്കാൽ പെട്ടെന്ന് ലോഡായിവരുമെന്നതും അതിനുള്ള കാരണങ്ങളായി. പിന്നെ അന്നുമുതൽ ഇന്നുവരെ ഗൂഗിളിലാണ് തിരച്ചിൽ.

അംഹാറിക്ക് ഭാഷ

അംഹാറിക്ക് ഭാഷ എഴുതാനുള്ള പിന്തുണ നാരായത്തിൽ ചേർക്കുന്നതാരംഭിച്ചു. നാരായം പിന്തുണക്കുന്ന ആദ്യത്തെ ആഫ്രിക്കൻ ഭാഷയാണ് അംഹാറിക്ക്. യൂണികോഡിൽ 560 കോഡ് പോയിന്റുകൾ അനുവദിക്കപ്പെട്ടിട്ടുള്ള എത്യോപ്യൻ ലിപിയിലാണ് അംഹാറിക്ക് എഴുതുന്നത്. ഇന്ത്യൻ ലിപികളിൽ നിന്നുമൊക്കെ വ്യത്യസ്തമായി വ്യഞ്ജനങ്ങൾ സ്വരങ്ങളുമായി ചേരുന്ന ഒരോ രൂപത്തിനും പ്രത്യേകം കോഡ് പോയിന്റുകളുണ്ട്. അതിനാൽ തന്നെ എത്യോപ്യൻ ലിപിയുടെ യൂണികോഡ് പട്ടിക വലുതാണ്. സാധാരണ ആവശ്യങ്ങൾക്കുള്ളവയ്ക്കായി 384 കോഡ് പോയിന്റുകൾ അനുവദിക്കപ്പെട്ടിരിക്കുന്നു, അതുകൂടാതെ മറ്റാവശ്യങ്ങൾക്കുള്ള 176 കോഡ് പോയിന്റുകൾ കൂടി നീക്കിവയ്ക്കപ്പെട്ടിരിക്കുന്നു.

ഐറീറൈറ്റർ: മീഡിയവിക്കി എക്സ്റ്റൻഷൻ

ഷിജുവിന്റെ പ്രേരണ മൂലം വിക്കിയിലൊക്കെ ഉപയോഗിച്ചിരിക്കുന്ന എഴുത്തുപകരണത്തിന്റെ ഒരു മീഡിയ വിക്കി എക്സ്റ്റൻഷൻ പതിപ്പ് വികസിപ്പിച്ചു. അത് ഇവിടെ: http://testwiki.junaidpv.in , ഇൻസ്റ്റാൾ ചെയ്തിട്ടുണ്ട് (http://testwiki.junaidpv.in/wiki/Special:Version). പരീക്ഷിച്ചു നോക്കുക. ഇപ്പോൾ വിക്കിയിൽ നിന്നുള്ളതിൽ നിന്നും വ്യത്യസ്തമായി ഒരു ചെക്ക്ബോക്സ് മാത്രമേ ഉണ്ടാകൂ. കൂടാതെ എഴുത്തുപകരണം സജീവമായിരിക്കുമ്പോൾ ഇൻപുട്ട് ബോക്സുകളിൽ നിറവ്യത്യാസം വരുന്ന രീതിയിലാക്കിയിട്ടുണ്ട്. ലോഗിൻ ചെയ്യുന്നതിനുള്ള പാസ്‌വേർഡ് ടൈപ്പ് ചെയ്യുന്ന ഭാഗം, ഫയൽ തിരഞ്ഞെടുക്കുന്ന ഭാഗം അങ്ങനെ ചില ഇൻപുട്ട് ബോക്സുകളെ എഴുത്തുപകരണ പ്രവർത്തിക്കുന്നതിൽ നിന്നും ഒഴിവാക്കിയിട്ടുണ്ട്. അതല്ലാത്ത മിക്കവാറും ഇൻപുട്ട് ബോക്സുകളിലും ഇതുപയോഗിച്ച് വ്യത്യസ്ത ഭാഷ ടൈപ്പിങ്ങ് സാധ്യമാകും.

ക്രോമിൽ H.264 ന് സ്വാഭാവിക പിന്തുണയുണ്ടാവില്ല

എച്ച്.ടി.എം.എല്ലിന്റെ അഞ്ചാം പതിപ്പിലുള്ള വീഡിയോ ടാഗ് വഴി H.264 ഫോർമാറ്റിലുള്ള വീഡിയോകൾക്ക് പിന്തുണ ഉണ്ടാവില്ലെന്ന് ഗൂഗിൾ: http://blog.chromium.org/2011/01/html-video-codec-support-in-chrome.html ഫയർഫോക്സ്, ഓപ്പറ എന്നിവയെപോലെ വെബ്എം, ഓഗ്ഗ് തിയോറ എന്നിവയ്ക്കാണ് സ്വാഭവിക പിന്തുണയുണ്ടാകുക. മൈക്രോസോഫ്റ്റിന്റെ ഐ.ഇയും, ആപ്പിളിന്റെ സഫാരിയും H.264 നെ പിന്തുണക്കുന്നവയാണ്. സ്വതന്ത്രമല്ലാത്ത വീഡിയോ ഫോർമാറ്റാണ് H.264. ഡീവിഡികളിലും, ഉയർന്ന റെസല്യൂഷൻ പ്രക്ഷേപണ വിതരണ രംഗങ്ങളിലും വ്യാപകമായി ഇത് ഉപയോഗിക്കപ്പെടുന്നുണ്ട്. പക്ഷെ അവരെല്ലാം അതിന് കരം (? റോയൽറ്റി) നൽകുന്നുണ്ട്/നൽകേണ്ടതാണ്, H.264 വീഡിയോ ഫോർമാറ്റ് പിന്തുണക്കുന്ന ഹാർഡ്‌വെയർ നിർമ്മാതാക്കളും ഇതുപോലെ കരം നൽകുന്നുണ്ട്. ഇതിന്റെ പേറ്റന്റ് കൈവശമുള്ള MPEG Licensing Authority (http://www.mpegla.com യിൽ അംഗങ്ങളാണ് മൈക്രോസോഫ്റ്റും ആപ്പിളും. നമ്മളറിയുന്നില്ലെങ്കിലും വീഡിയോ പ്ലെയർ, ഡീവിഡി തുടങ്ങിയവ വാങ്ങുമ്പോൾ വിലയായി നൽകുന്നതിന്റെ ഒരു പങ്ക് (നാമമാത്രമായിരിക്കാം) ഈ കരം നൽകാൻ ഉപയോഗിക്കപ്പെടുന്നു.

മുക്കുവനും വ്യവസായിയും

ബ്രസീലിലെ ചെറിയ ഗ്രാമത്തിലെ കടൽത്തീർത്ത് ഒരു വ്യവസായി ഇരിക്കുകയായിരുന്നു. അയാളങ്ങനെയിരിക്കുമ്പോഴാണ് കടലിൽ നിന്ന് ഒരു മുക്കുവന്റെ തന്റെ ചെറിയ വള്ളത്തിൽ കുറച്ച് മീനും പിടിച്ച് കരയിലേക്ക് വരുന്നത് കണ്ടത്. മുക്കുവനെ കണ്ടപ്പോൾ വ്യവസായി തെല്ല് താല്പര്യത്തോടെ ചോദിച്ചു: “ഇത്രയ്ക്കും മീൻ പിടിക്കാൻ താങ്കൾക്കെത്ര സമയം വേണ്ടി വരും?” മുക്കുവൻ പറഞ്ഞു, “ഓ, അതിനത്ര സമയമെടുക്കാറില്ല, കുറച്ച് സമയം മതിയാകും” "അങ്ങനെയെങ്കിൽ താങ്കളെന്തുകൊണ്ട് കടലിൽ കൂടുതൽ സമയം ചെലവഴിച്ച് കൂടുതൽ മീൻ പിടിക്കാൻ ശ്രമിക്കാത്തത്?” വ്യവസായിക്ക് ആശ്ചര്യമായി. “ഇത്രയും മീൻ തന്നെ എന്റെ കുടുംബത്തിന് കഴിയാൻ ധാരാളമാണ്“ എന്നായിരുന്നു മുക്കുവന്റെ മറുപടി.

എന്റേയും ഉബുണ്ടു

കുറേ നാളായി ലിനക്സിലേക്ക് മാറണമെന്ന് വിചാരിക്കുന്നു. ലിനക്സ് സാമ്രാജ്യത്തിൽ പേർസണൽ കമ്പ്യൂട്ടിങ്ങിന് നിലവിൽ ഏറ്റവും പ്രചാരത്തിലുള്ളത് ഉബുണ്ടു ആയതിനാൽ അതുപയോഗിക്കാൻ തന്നെയായിരുന്നു ഉദ്ദേശ്യം. ലിനക്സ് ആദ്യമായൊന്നുമല്ല ഉപയോഗിക്കുന്നത്. ആദ്യമായി ലിനക്സ് ഉപയോഗിച്ചത് 2004 തുടക്കത്തിലാണെന്ന് തോന്നുന്നു. ആദ്യം ലിക്സിന്റെ പുസ്തകം വാങ്ങുകയായിരുന്നു അന്ന് ചെയ്തത്. ലിനക്സിലെ കമാന്റൊക്കെ പഠിച്ചെടുത്തേക്കാം എന്നൊന്നു ഉദ്ദേശിച്ചായിരുന്നില്ല, റെഡ്ഹാറ്റ് ലിനക്സിന്റെ ഡി.വി.ഡി. സൗജന്യമായി കിട്ടുമെന്നതുകൊണ്ടാണ് അത് വാങ്ങിയത്. കിട്ടിയത് റെഡ്ഹാറ്റ് ലിനക്സ് 7.3 ആണെന്നുതോന്നു. കിട്ടിയ ഡി.വി.ഡിക്കോ എന്റെ ഡി.വി.ഡി. ഡ്രൈവിനോ എന്തോ കുഴപ്പം ഉണ്ടായിരുന്നതിനാൽ ബൂട്ട് ചെയ്ത് കിട്ടിയതുതന്നെ കുറേ ശ്രമത്തിനുശേഷമാണ്. എന്തോ പ്രശ്നം കാരണം ഷെൽ വഴിയുള്ള തുറക്കലേ അന്ന് സാധിച്ചുള്ളൂ. പിന്നീട് കോളേജ് ലൈബ്രറിയിലെ പുസ്തകങ്ങൾ, മാഗസിനുകൾ തുടങ്ങിയവയിൽ നിന്നാണ് ലിനക്സിന്റെ സി.ഡികൾ കിട്ടിയിരുന്നത്. റെഡ്ഹാറ്റ് 9.7 ആയിരുന്നു ശേഷം ഉപയോഗിച്ചത് പിന്നീടാണ് ഫെഡോറ സംരംഭം തുടങ്ങിയത്. അതിനുശേഷം ഫെഡോറ 1, 2, 3 പതിപ്പുകൾ ഉപയോഗിച്ചു, സൂസെയും കുറച്ചുകാലം ഉപയോഗിച്ചു. അന്ന് സൂസെ ആയിരുന്നു കൂടുതൽ ഫ്രണ്ട്ലി. അപ്പോഴും ലിനക്സിന് വലിയ ഉപയോഗമൊന്നുമുണ്ടായിരുന്നില്ല, വല്ലപ്പോഴും ഗെയിം കളിക്കും. പിന്നെ ലിനക്സൊക്കെ കളഞ്ഞ് വിൻഡോസ് മാത്രമാക്കി. പിന്നെ ലിനക്സുമായി ഇതുവരെ വലിയ ബന്ധം പുലർത്തിയിരുന്നില്ല. പിന്നെ ഉബുണ്ടു വെർച്വൽ ബോക്സിലിട്ട് പരീക്ഷിച്ചു നോക്കിയിരുന്നു. അതും തുറക്കാറുണ്ടായിരുന്നില്ല. വെറുതെ പൂതി തീർക്കാൻ ഇസ്റ്റാൾ ചെയ്തൂന്ന് മാത്രം.

subscribe via RSS